له نن څخه پوره یو کال وړاندې په همدې ورځ(د اسد ۲۴مه) د افغانستان اسلامي امارت مجاهدینو کابل فتحه کړ. دغه لویه فتحه د الله تعالی په نصرت د هغو بې شمېره قربانیو، سرښندنو او تکالیفو په نتیجه کې الله تعالی موږ ته را په برخه کړه، چې د افغانستان مجاهد ملت د خپلو وینو په بدل کې د اسلامي نظام د حاکمېدو په موخه ورکړې.

په ډېره خواشينۍ او تأسف مې خبر تر لاسه کړ چې د هېواد پیاوړی او زړور دیني عالم مولانا مجیب الرحمن انصاري د اسلام او خاورې دښمنانو په ناځوانمردانه برید کې د جمعې لمانځه د اداءکولو پر مهال په شهادت رسېدلی او د حق داعیې ته یې لبیک ووایه.

د رياست‌الوزراء اقتصادي مرستيال محترم ملا عبدالغني برادر اخوند په هرات او بادغېس ولايتونو کې د شوې زلزلې له امله هېوادوالو ته د اوښتو زيانونو په اړه ژوره خواشيني څرګندوي. شهيدانو ته جنت الفردوس، قريبانو ته يې جميل صبر او زخميانو ته له الله ج څخه عاجله شفاء غواړي.